കണ്ണൂർ:ഈ വർഷം എംബിബിഎസ് പ്രവേശനം അനുവദിക്കണമെങ്കിൽ മുഖ്യമന്ത്രിയുടെ പ്രളയ ദുരിതാശ്വാസ നിധിയിലേക്ക് ഒരു കോടി രൂപ നൽകണമെന്ന് കണ്ണൂർ മെഡിക്കൽ കോളേജിനോട് സുപ്രീം കോടതി.സെപ്റ്റംബർ 20 നകം തുകനൽകണമെന്നും കൂടാതെ സുപ്രീം കോടതി അഭിഭാഷക സമിതികൾക്ക് 20 ലക്ഷവും നൽകണമെന്ന് സുപ്രീം കോടതി നിർദേശിച്ചു.2016-17 വർഷത്തിൽ പ്രവേശനം റദ്ദാക്കപ്പെട്ട വിദ്യാർത്ഥികളിൽ നിന്നും വാങ്ങിയ തുക സെപ്റ്റംബർ മൂന്നിനകം തിരികെ നൽകണമെന്നും പ്രവേശന മേൽനോട്ട സമിതി നിശ്ചയിച്ച ഫീസായ 5.6 ലക്ഷം രൂപ മാത്രമേ വിദ്യാർത്ഥികളിൽ നിന്നും ഈടാക്കാൻ പാടുള്ളൂ എന്നും ജസ്റ്റിസ് അരുൺ മിശ്ര അധ്യക്ഷനായ ബെഞ്ച് ഉത്തരവിട്ടു.ഈ വർഷം മെഡിക്കൽ പ്രവേശനത്തിന് അനുമതി ആവശ്യപ്പെട്ട് കോളേജ് അധികൃതർ നൽകിയ ഹർജിയിലാണ് നടപടി.സുപ്രീം കോടതി മുന്നോട്ടിവെച്ച വ്യവസ്ഥകൾ അംഗീകരിച്ചാൽ മെഡിക്കൽ പ്രവേശനത്തിന് കമ്മീഷണർക്ക് നടപടി തുടങ്ങാമെന്നും ബെഞ്ച് വ്യക്തമാക്കി.