വൈക്കം:തീ കൊളുത്തി കൂട്ട ആത്മഹത്യക്കു ശ്രമിച്ച ഭർത്താവും ഭാര്യയും മരിച്ചു.മക്കളെ ഗുരുതരാവസ്ഥയിൽ കോട്ടയം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.തലയാഴം ചില്ലക്കൽ സുരേഷ്,ഭാര്യ സോജാ എന്നിവരാണ് മരിച്ചത്.മക്കളായ സൂരജ്,ശ്രീഹരി എന്നിവർ ഗുരുതരാവസ്ഥയിൽ ചികിത്സയിലാണ്.ഇന്ന് പുലർച്ചെ സുരേഷിന്റെ വീട്ടിൽ നിന്നും കൂട്ട നിലവിളി കേട്ടാണ് പരിസരവാസികൾ ഓടിയെത്തുന്നത്.അടച്ചിട്ട വാതിൽ ചവിട്ടി തുറന്നു അകത്തു കടന്ന ഇവർ വെള്ളമൊഴിച്ചു തീ കെടുത്തുകയും നാലുപേരെയും കോട്ടയം മെഡിക്കൽ കോളേജിൽ എത്തിക്കുകയും ചെയ്തു.വീടിനു സമീപം ചായക്കട നടത്തിയിരുന്ന സുരേഷ് പലരോടായി പണം ബ്ലേഡ് പലിശക്ക് വാങ്ങിയിരുന്നെന്നും ഇയാൾ വലിയ സാമ്പത്തിക ബാധ്യതയിലായിരുന്നെന്നും നാട്ടുകാർ പറയുന്നു.സംഭവത്തിൽ വൈക്കം പോലീസ് കേസെടുത്തു അന്വേഷണം ആരംഭിച്ചു.