ഇരിട്ടി:വിളക്കോട് ഗവ.യു.പി സ്കൂളിൽ വിദ്യാർത്ഥികൾക്ക് ഭക്ഷ്യ വിഷബാധയേറ്റതായി സംശയം. ഇന്നലെ രാവിലെ നിരവധി കുട്ടികളാണ് ഛർദിയും വയറുവേദനയും ഉണ്ടായതിനെ തുടർന്ന് ആശുപത്രിയിലെത്തിയത്.സംഭവത്തെ തുടർന്ന് ആരോഗ്യ വകുപ്പ് ഉദ്യോഗസ്ഥരും പഞ്ചായത്ത് അധികൃതരും സ്കൂളിൽ പരിശോധന നടത്തി.സ്കൂൾ കിണറിലെ വെള്ളത്തിൽ നിന്നാകാം വിഷബാധയേറ്റത്‌ എന്ന സംശയത്തിൽ വെള്ളത്തിന്റെ സാമ്പിൾ പരിശോധനയ്ക്ക് അയച്ചിട്ടുണ്ട്.എന്നാൽ പാലാ ഗവ.സ്കൂളിന് സമീപത്തെ അംഗനവാടികളിലെ കുട്ടികൾക്കും ചില അസ്വസ്ഥതകൾ കണ്ടതിനെ തുടർന്ന് ഭക്ഷ്യ വിഷബാധ വിളക്കോട് സ്കൂളിൽ നിന്നല്ല എന്ന നിഗമനത്തിലാണ് അധികൃതർ.അസ്വസ്ഥകൾ അനുഭവപ്പെട്ട കുട്ടികൾ ഇരിട്ടി,പേരാവൂർ എന്നീ ആശുപത്രികളിൽ ചികിത്സ തേടി.