കണ്ണൂർ:കടവത്തൂരിൽ സുഹൃത്തുക്കളോടൊപ്പം കുളിക്കാനിറങ്ങിയ വിദ്യാർത്ഥി മുങ്ങിമരിച്ചു.ആറ്റുപുറം അണക്കെട്ടിന് സമീപം കുളിക്കാനിറങ്ങിയ പെരിങ്ങത്തൂർ സ്വദേശിയായ മുബഷീറാണ് മുങ്ങി മരിച്ചത്.ഇന്നലെ വൈകീട്ടോടെയായിരുന്നു സംഭവം. കൂട്ടുകാർ ഒന്നിച്ച് കുളിക്കുന്നതിനിടെ ഇവർ ഒഴുക്കിൽ പെടുകയായിരുന്നു. ഉടൻ തന്നെ നാട്ടുകാർ കുട്ടികളെ രക്ഷിച്ച് കരയിലേയ്‌ക്ക് കയറ്റിയെങ്കിലും മുബഷീറിനെ കണ്ടെത്താനായില്ല. തുടർന്ന് മുങ്ങൽ സംഘം നടത്തിയ തിരച്ചിലിലാണ് വിദ്യാർത്ഥിയുടെ മൃതദേഹം കണ്ടെടുത്തത്.മൃതദേഹം തലശേരി ജനറൽ ആശുപത്രിയിലേക്ക് മാറ്റി. പെരിങ്ങത്തൂർ എൻ.എ എം. ഹയർ സെക്കന്ററി സ്‌കൂൾ പ്ലസ് ടു വിദ്യാർഥിയാണ് മുബഷീർ.സഹോദരങ്ങള്‍: മുഹമ്മദ്, മുഹാദ്.