മലപ്പുറം:സ്കൂൾ ബസിൽ നിന്ന് തെറിച്ച് വീണ് വിദ്യാർത്ഥി മരിച്ചു.കൂട്ടിലങ്ങാടിക്കടുത്ത് കുറുവ എ.യു.പി സ്കൂളിലെ വിദ്യാർത്ഥി ഫർസീൻ അഹമ്മദ്(9) ആണ് മരിച്ചത്.സ്കൂൾ ബസ്സിൽ കയറിയ വിദ്യാര്‍ത്ഥിയുടെ ബാഗ് ബസ്സിന്റെ ഡോറിൽ കുരുങ്ങുകയും ഇത് എടുക്കാനുള്ള ശ്രമത്തിനിടെ ഡോർ തുറന്നു കുട്ടി പുറത്തേക്ക് തെറിച്ചു വീഴുകയായിരുന്നു.അപകടം നടന്നയുടനെ വിദ്യാർത്ഥിയെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കോട്ടപ്പടി താലൂക്ക് ആശുപത്രിയിലേക്ക് മാറ്റി.വിദ്യാർത്ഥിയുടെ മാതാവ് ഷമീമ ഇതേ സ്കൂളിലെ അധ്യാപികയാണ്.കുളത്തൂർ പോലീസിന്റെ നേതൃത്വത്തിൽ ആശുപത്രിയിലെത്തി ഇൻക്വസ്റ്റ് നടപടികൾ പുരോഗമിക്കുകയാണ്.