കാസർകോഡ്:ബൈക്കിൽ ലോറിയിടിച്ച് വിദ്യാർത്ഥി മരിച്ചു.ഒപ്പമുണ്ടായിരുന്ന സുഹൃത്തിന് ഗുരുതരമായി പരിക്കേറ്റു.പടന്നക്കാട് നെഹ്‌റു കോളേജിന് സമീപത്തെ ദാമോദരൻ-ശാന്ത ദമ്പതികളുടെ മകൻ കെ.വി ഷിജിത്ത്(20) ആണ് മരിച്ചത്.നീലേശ്വരം ശങ്കരാചാര്യ ഇൻസ്ടിട്യൂട്ടിലെ അക്കൗണ്ടിംഗ് വിദ്യാർത്ഥിയായിരുന്നു.ഒപ്പമുണ്ടായിരുന്ന സുഹൃത്ത് സുദൈവിനെ മംഗളൂരുവിലെ ആശുപത്രിയിൽ പ്രവേശിപ്പിച്ചു.ഇന്നലെ രാത്രിയാണ് അപകടം നടന്നത്.കണ്ണൂർ ഭാഗത്തേക്ക് പോവുകയായിരുന്ന ലോറി ഇവർ സഞ്ചരിച്ചിരുന്ന ബൈക്കിൽ ഇടിക്കുകയായിരുന്നു.അപകടത്തിന് ശേഷം നിർത്താതെ പോയ ലോറിയെ നാട്ടുകാർ കരിവെള്ളൂരിൽ വെച്ചാണ് പിടികൂടിയത്.സംഭവത്തിൽ ഹെസ്ദുർഗ് പോലീസ് കേസെടുത്ത് അന്വേഷണം ആരംഭിച്ചു.