കണ്ണൂർ:ഇസ്തിരിപ്പെട്ടിയിൽ നിന്നും ഷോക്കേറ്റ് പ്ലസ് ടു വിദ്യാർത്ഥിനി മരിച്ചു.ചാല പന്ത്രണ്ടുകണ്ടി തപ്പള്ളി ഹൗസിൽ അനുശ്രീ ആണ് മരിച്ചത്.വെള്ളിയാഴ്ച ഉച്ചയ്ക്ക് ട്യൂഷന് പോകാനായി ഒരുങ്ങുന്നതിനിടെ ഇസ്തിരിയിടുമ്പോഴാണ് അപകടം.ഷോക്കേറ്റ് തെറിച്ച അനുശ്രീയുടെ തല പുറകിലത്തെ ചുമരിൽ ഇടിക്കുകയായിരുന്നു.ഉടൻ തന്നെ കണ്ണൂരിലെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.പരേതനായ രാജീവിന്റെയും ലസിതയുടെയൂം മകളാണ്.സഹോദരൻ:അമൽ.തോട്ടട ഗവ.ഹയർ സെക്കണ്ടറി സ്കൂൾ പ്ലസ് ടു വിദ്യാർത്ഥിനിയാണ്.