തിരുവനന്തപുരം: കെഎസ്‌ഇബിയില്‍ തൊഴിലാളി യൂണിയനുകള്‍ നടത്തിവന്നിരുന്ന സമരം ഒത്തുതീർപ്പായി.ഇടത് യൂണിയനുകളുടെ സമര സമിതി പ്രതിനിധികൾ വൈദ്യുതി മന്ത്രി കെ.കൃഷ്ണന്‍കുട്ടിയുമായി നടത്തിയ ചര്‍ച്ചയിലാണ് സമരം അവസാനിപ്പിക്കാനുള്ള ധാരണയിലെത്തിയത്. സമരക്കാരുമായി നടത്തിയ ചര്‍ച്ചയില്‍ അവരുടെ ആവശ്യങ്ങള്‍ മന്ത്രി സ്വീകരിച്ചു. അനിശ്ചിതകാല സമരം സര്‍ക്കാരിനെ പ്രതികൂലമായി ബാധിച്ചതിനാലും ഇത് രാഷ്ട്രീയ ആയുധമായി പ്രതിപക്ഷം ഉപയോഗിച്ച സാഹചര്യത്തിലുമാണ് ട്രേഡ് യൂണിയനുകള്‍ക്ക് കൂടി സ്വീകാര്യമായ ഒരു ധാരണയിലേക്കെത്താന്‍ കഴിഞ്ഞ ദിവസം ചേര്‍ന്ന മുന്നണി തല യോഗത്തില്‍ തീരുമാനമായത്. തുടര്‍ ചര്‍ച്ചയ്ക്കായി ചെയ്യര്‍മാനെ നിയോഗിച്ചു. നാളെ ഓണ്‍ലൈനായാണ് ചര്‍ച്ച.