തിരുവനന്തപുരം:സംസ്ഥാനത്ത് സമരത്തിലേർപ്പെട്ടിരിക്കുന്ന സർക്കാർ ഡോക്റ്റർമാർക്കെതിരെ കർശന നടപടിയെടുക്കുമെന്ന് ആരോഗ്യമന്ത്രി കെ.കെ ശൈലജ.ഡോക്റ്റർമാരുടെ സമരം അനാവശ്യമാണെന്ന് മന്ത്രി മാധ്യമങ്ങളോട് പറഞ്ഞു.സമ്മര്‍ദ്ദത്തിന് വഴങ്ങാതെ എന്‍ആര്‍എച്ച്എം ഡോക്ടര്‍മാരെ നിയോഗിച്ച് സമരത്തെ നേരിടാനാണ് ആരോഗ്യ വകുപ്പ് തീരുമാനം. സമരത്തിന് മുന്നില്‍ സര്‍ക്കാര്‍ വഴങ്ങില്ലെന്ന് സൂചന നല്‍കുന്നതായിരുന്നു ആരോഗ്യമന്ത്രിയുടെ വാക്കുകള്‍. ആവശ്യത്തിന് ഡോക്റ്റർമാരെയും ജീവനക്കാരെയും നിയമിക്കാതെ സർക്കാർ ആശുപത്രികളിൽ സായാഹ്‌ന ഒപി ആരംഭിച്ചതിൽ പ്രതിഷേധിച്ചാണ് ഡോക്റ്റർമാർ അനിശ്ചിതകാല സമരം ആരംഭിച്ചിരിക്കുന്നത്.