കുറ്റിപ്പുറം: എടച്ചലം കാളപൂട്ട് കണ്ടത്തിന് സമീപം തെരുവുനായ്ക്കള്‍ വയോധികനെ കടിച്ചുകൊന്നു. വടക്കേക്കളത്തില്‍ ശങ്കരന്‍ (65) ആണ് മരിച്ചത്. ചൊവ്വാഴ്ച വൈകീട്ട് ആറോടെ ഫുട്ബാള്‍ കളി കഴിഞ്ഞ് വരുന്നവരാണ് നായ്ക്കളുടെ കടിയേറ്റ് രക്തം വാര്‍ന്ന് കിടക്കുകയായിരുന്ന ഇദ്ദേഹത്തെ കണ്ടത്. ഇവരാണ് അദ്ദേഹത്തെ ആശുപത്രിയിലെത്തിച്ചത്. ശരീരമാകെ നായ്ക്കള്‍ ക്രൂരമായി കടിച്ചുപറിച്ച നിലയായിരുന്നു.തുടര്‍ന്ന് കുറ്റിപ്പുറം താലൂക്ക് ആശുപത്രിയിലെത്തിച്ചു. അവിടെനിന്ന് തൃശൂര്‍ മെഡിക്കല്‍ കോളജ് ആശുപത്രിയിലേക്ക് കൊണ്ടുപോകുന്നതിനിടെയാണ് മരിച്ചത്.ഭാര്യ: ലക്ഷ്മിക്കുട്ടി. മക്കള്‍: സിന്ധു, വിനോദിനി, പ്രീത, മണി. പ്രദേശത്ത് തെരുവുനായ് ശല്യം രൂക്ഷമാണ്.