കണ്ണൂരിൽ തെരുവ് നായ ആക്രമണം, വിദ്യാർത്ഥികടക്കം 20 പേർക്ക് കടിയേറ്റു

കണ്ണൂർ:കണ്ണൂർ അത്താഴക്കുന്ന്, സാദിരി പള്ളി, കൊറ്റാളി പ്രദേശങ്ങളിൽ തെരുവ് നായയുടെ പരാക്രമം. വിദ്യാർത്ഥികടക്കം 20 പേർക്ക് നായയുടെ കടിയേറ്റു.കാലത്ത് 9.15 ന് സ്കൂളിൽ പോകാൻ തയാറെടുക്കുകയായിരുന്ന മൂന്ന് വിദ്യാർഥികൾക്കും, വീട്ടമ്മമാർ ഉൾപ്പെടെ നിരവധിപേർക്കുമാണ് കടിയേറ്റത്. പ്ലസ്ടു വിദ്യാർത്ഥിയെ വീട്ടിൽ കയറിയാണ് നായകടിച്ചത്. പരിക്കേറ്റവർക്ക് കണ്ണൂർ ജില്ലാ ആശുപത്രിയിൽ നിന്നും കുത്തിവെപ്പ് നൽകുകയും മൂന്നു പേരെ പരിയാരത്തേക്ക് മാറ്റാൻ നിർദ്ദേശിക്കുകയും ചെയ്തു. പ്രദേശത്തുകാർ ഭീതിയിലായിരിക്കെ, എല്ലാവരെയും കടിച്ചത് ഒരൊറ്റ നായയാണെന്നും ആ നായയെ പിടികൂടുന്നതിനുള്ള നടപടികൾ ഞങ്ങൾ ആരംഭിച്ചതായും കോർപ്പറേഷൻ അധികൃതർ വെളിപ്പെടുത്തി.