കാസർകോഡ്:മാവിനക്കട്ടയിൽ കെ എസ് ആർ ടി സി ബസിനു നേരെ ഉണ്ടായ കല്ലേറിൽ ഡ്രൈവർക്ക് പരിക്കേറ്റു.വെള്ളിയാഴ്ച രാത്രി പത്തുമണിയോടെയാണ് ആക്രമണം നടന്നത്.കോഴിക്കോട് താമരശ്ശേരി സ്വദേശി ശശിധരനാണ് പരിക്കേറ്റത്.ഇദ്ദേഹത്തെ മംഗളൂരുവിലെ ആശുപത്രിയിൽ പ്രവേശിപ്പിച്ചു.കല്ലേറിൽ തകർന്ന ബസിന്റെ മുൻ വശത്തെ ചില്ല് തുളച്ചു കയറിയാണ് ഇയാൾക്ക് പരിക്കേറ്റത്.സംഭവത്തിൽ പോലീസ് കേസെടുത്തു അന്വേഷണം ആരംഭിച്ചു.മാവിനക്കട്ടയിൽ നിന്നും ലഭിച്ച സിസിടിവി ദൃശ്യങ്ങൾ പോലീസ് പരിശോധിച്ച് വരികയാണ്.