തളിപ്പറമ്പ്: തളിപ്പറമ്പ് നഗരസഭയിൽ ആരോഗ്യവിഭാഗം നടത്തിയ പരിശോധനയിൽ ഹോട്ടലുകളിൽ നിന്നും പഴകിയ ഭക്ഷണം പിടികൂടി.ദേശീയപാതയോരത്തെ ഹോട്ടല്‍ ബദരിയ പ്ലാസ, ഹോട്ടല്‍ മജ്‌ലിസ്, റോയല്‍ പ്ലാസ എന്നിവിടങ്ങളില്‍ നിന്നാണ് പഴകിയ ചിക്കന്‍, ഇടിയപ്പം, പൊറോട്ട, ചപ്പാത്തി, വെള്ളത്തില്‍ കുതിര്‍ത്തിയിട്ട പഴയ ചോറ് തുടങ്ങിയവ പിടികൂടിയത്.ഹെല്‍ത്ത് ഇന്‍സ്പെക്ടര്‍ ബൈജുവിന്‍റെ നേതൃത്വത്തില്‍ ഇന്നലെ രാവിലെ മുതല്‍ ഒന്‍പത് സ്ഥലങ്ങളിലാണ് റെയ്ഡ് നടത്തിയത്.ബേക്കറികളിലും ഉത്പാദന യൂണിറ്റുകളിലും ഹോട്ടലുകളിലും അടുത്ത ദിവസങ്ങളിലും റെയ്ഡ് തുടരുമെന്ന് ഹെല്‍ത്ത് ഇന്‍സ്പെക്ടര്‍ അറിയിച്ചു.