തിരുവനന്തപുരം: എസ്.എസ്.എല്‍.എസി കണക്കു പരീക്ഷയുടെ ചോദ്യപേപ്പര്‍ ചോര്‍ന്നതുമായി ബന്ധപ്പെട്ട ക്രമക്കേട് വിജിലന്‍സ് അന്വേഷിക്കും. പൊതുവിദ്യാഭ്യാസ സെക്രട്ടറി നടത്തിയ അന്വേഷണത്തില്‍ യഥാർത്ഥ വിവരം പുറത്തു വരാത്തതിനാലാണ് വിജിലൻസിനെ അന്വേഷണം ഏൽപ്പിക്കുന്നത്. പൊതു വിദ്യാഭ്യാസ സെക്രട്ടറി ഉഷാ ടൈറ്റസ് നല്‍കിയ റിപ്പോര്‍ട്ടിന്റെ അടിസ്ഥാനത്തിലാണ് അന്വേഷണത്തിന് സര്‍ക്കാര്‍ ഉത്തരവിട്ടിരിക്കുന്നത്. കൂടുതല്‍ അന്വേഷണം വേണമെന്നും ഡിപ്പാര്‍ട്ട്‌മെന്റ് തല അന്വേഷണത്തിന് പരിധിയുണ്ടെന്നും ചൂണ്ടിക്കാട്ടിയാണ് പൊതു വിദ്യാഭ്യാസ സെക്രട്ടറി റിപ്പോര്‍ട്ട് സമര്‍പ്പിച്ചിരിക്കുന്നത്.