കോഴിക്കോട്: 26 ന് തുടങ്ങുന്ന എസ്‌എസ്‌എല്‍സി, പ്ലസ് ടു പരീക്ഷകളുടെ മുന്നോടിയായുള്ള ഒരുക്കങ്ങൾ അവസാന ഘട്ടത്തിലേക്ക്.പരീക്ഷ എഴുതുന്ന പതിമൂന്ന് ലക്ഷം കുട്ടികളെയും പരിശോധനക്ക് ശേഷമേ പരീക്ഷാ ഹാളിലേക്ക് കടത്തി വിടൂ.എല്ലാ കുട്ടികള്‍ക്കും മാസ്‌ക് നല്‍കും.ഇത് പരമാവധി വീടുകളില്‍ എത്തിക്കും.സാധിക്കാത്തപക്ഷം കുട്ടികള്‍ സ്‌കൂളില്‍ പ്രവേശിക്കുന്നതിനു മുൻപ് സ്‌കൂള്‍ അധികൃതര്‍ കൈമാറും. എല്ലാ കുട്ടികളും മാസ്‌ക് ഉപയോഗിക്കുന്നുവെന്ന് ഉറപ്പു വരുത്തുന്നതിന് ബന്ധപ്പെട്ട ഹെഡ്മാസ്റ്റര്‍, ഹെഡ്മിസ്ട്രസ്, പ്രിന്‍സിപ്പല്‍ എന്നിവരെ ചുമതലപ്പെടുത്തിയിട്ടുണ്ട്. പരീക്ഷക്കെത്തുന്ന കുട്ടികളെ പരിശോധിക്കാന്‍ ഐ.ആര്‍. തെര്‍മോമീറ്ററുകള്‍ തയ്യാറായി. പരീക്ഷ ചുമതല അധ്യാപകരെയും പരിശോധിക്കും. തെര്‍മല്‍ സ്കാനര്‍ വിതരണം ആരംഭിച്ചു.5,000 സ്കാകനറുകളാണ് വിതരണത്തിനായി സജ്ജമാക്കിയിട്ടുള്ളത്. രണ്ടരക്കോടി രൂപയാണ് ഇതിന്റെ ചെലവ്. കേരള മെഡിക്കല്‍ സര്‍വീസസ് കോര്‍പ്പറേഷനില്‍ നിന്ന് തെര്‍മോമീറ്ററുകള്‍ വിദ്യാഭ്യാസ അഡീഷണല്‍ ഡയറക്ടര്‍ ഏറ്റുവാങ്ങി. വിദ്യാര്‍ഥികള്‍ക്ക് പരീക്ഷാ കേന്ദ്രങ്ങളിലെത്താന്‍ വിവിധ സംഘടനകളും യാത്രാ സൗകര്യമൊരുക്കുമെന്ന് അറിയിച്ചിട്ടുണ്ട്.