കൊച്ചി:ബിസിസിഐക്കെതിരെ ശ്രീശാന്ത് വീണ്ടും ഹൈക്കോടതിയെ സമീപിച്ചു.സ്കോട്ടിഷ് ലീഗിൽ കളിക്കുന്നതിന് എൻഒസി നൽകണമെന്ന് ആവശ്യപ്പെട്ടാണ് ശ്രീ ഹൈക്കോടതിയെ സമീപിച്ചിരിക്കുന്നത്.ബിസിസിഐ യുടെ എൻഒസി ഉണ്ടെങ്കിൽ മാത്രമേ സ്കോട്ടിഷ് ലീഗിൽ കളിക്കാനാകൂ. നേരത്തെ ഇക്കാര്യം ആവശ്യപ്പെട്ട് ബിസിസിഐക്ക് കത്തയച്ചിരുന്നെന്നും എന്നാൽ ബിസിസിഐ പ്രതികരിച്ചില്ലെന്നും ശ്രീശാന്ത് ഹർജിയിൽ പറയുന്നു. അടുത്ത മാസം ഒൻപതിനാണ് സ്കോട്ടിഷ് ലീഗ് അവസാനിക്കുന്നത്. അതിമുമ്പ് എൻഒസി നൽകണമെന്ന് ശ്രീശാന്ത് ആവശ്യപ്പെടുന്നു.തിങ്കളാഴ്ച ശ്രീശാന്തിന്‍റെ ഹർജി കോടതി പരിഗണിക്കും.