തിരുവനന്തപുരം:സംസ്ഥാനത്ത് ഷോപ്പിംഗ് മാളുകൾ ഇന്ന് മുതൽ തുറന്ന് പ്രവർത്തിക്കും.തിങ്കൾ മുതൽ ശനിവരെ രാവിലെ ഏഴ് മണി മുതൽ രാത്രി ഒൻപത് മണിവരെയാണ് പ്രവർത്തന സമയം. കൊറോണ മാനദണ്ഡങ്ങൾ കർശനമായി പാലിക്കണമെന്ന നിർദ്ദേശത്തോടെയാണ് അനുമതി നൽകിയിരിക്കുന്നത്. കടകൾക്ക് ബാധകമായ നിയന്ത്രണങ്ങൾ പാലിക്കണമെന്നും നിർദ്ദേശമുണ്ട്.പരിഷ്‌കരിച്ച നിബന്ധനകൾ പ്രകാരം തിങ്കളാഴ്‌ച്ച മുതൽ കൂടുതൽ കടകൾ തുറന്നതോടെ വ്യാപാര സ്ഥപനങ്ങളിൽ തിരക്കേറിയിരുന്നു. 15നും 22നും ലോക്ഡൗൺ ഒഴിവാക്കിയതിനാൽ ഇനി 28വരെ സംസ്ഥാനത്തെ എല്ലാ വ്യാപാര സ്ഥാപനങ്ങളും തുറക്കും.