കാസർകോട്: ചെറുവത്തൂരിൽ ഷവർമ കഴിച്ചതിനെ തുടർന്ന് ഭക്ഷ്യവിഷബാധയേറ്റ നാല് പേർക്ക് ഷിഗല്ല സ്ഥിരീകരിച്ചു.കാഞ്ഞങ്ങാട് ജില്ലാ ആശുപത്രിയിൽ ചികിത്സയിലുള്ള നാല് കുട്ടികൾക്കാണ് രോഗം സ്ഥിരീകരിച്ചത്. എല്ലവരുടേയും ആരോഗ്യനില തൃപ്തികരമാണെന്ന് ആശുപത്രി അധികൃതർ അറിയിച്ചു. ഞായറാഴ്ചയാണ് ഷവർമ്മ കഴിച്ചതിനെ തുടർന്ന് ഭക്ഷ്യവിഷബാധയേറ്റ് ഇവരെ ആശുപത്രിയിൽ പ്രവേശിപ്പിക്കുന്നത്.ചികിത്സയിലുള്ള മറ്റുള്ളവർക്കും ഷിഗല്ലക്ക് സമാനമായ രോഗലക്ഷണങ്ങളാണ് ഉള്ളത്. അതിനാൽ ഭക്ഷ്യവിഷബാധക്ക് കാരണം ഷിഗല്ല വൈറസാണെന്ന നിഗമനത്തിലാണ് ആരോഗ്യവകുപ്പ്. കഴിഞ്ഞ ദിവസമാണ് ചെറുവത്തൂരിലെ ബസ് സ്റ്റാൻഡിന് സമീപമുള്ള ഐഡിയൽ ഫുഡ്‌പോയിന്റിൽ നിന്നും ഷവർമ കഴിച്ച പ്ലസ്ടൂ വിദ്യാർത്ഥിനി ദേവനന്ദ മരിക്കുന്നത്. ഷവർമ്മ കഴിച്ച മറ്റ് 17 വിദ്യാർത്ഥികളെ ശാരീരിക ബുദ്ധിമുട്ടുകളോടെ ആശുപത്രിയിൽ പ്രവേശിപ്പിച്ചിരുന്നു.