നീലേശ്വരം:കോട്ടപ്പുറം വൊക്കേഷണൽ ഹയർ സെക്കണ്ടറി സ്കൂളിൽ എസ്എഫ്ഐ-എംഎസ്എഫ് പ്രവർത്തകർ തമ്മിൽ ഏറ്റുമുട്ടി.മൂന്നുപേർക്ക് പരിക്കേറ്റു.കോട്ടപ്പുറം സ്കൂളിലെ എസ്എഫ്ഐ പ്രവർത്തകനായ ഫാസിലിനെ കല്ലുരാവിയിൽ വെച്ച് എംഎസ്എഫ്-ലീഗ് പ്രവർത്തകർ മർദിച്ചിരുന്നു.ഇതിന് നേതൃത്വം കൊടുത്ത സ്കൂളിലെ എംഎസ്എഫ് പ്രവർത്തകർക്കെതിരെ നടപടിയെടുക്കണമെന്ന് ആവശ്യപ്പെട്ട് എസ്എഫ്ഐ പ്രവർത്തകർ ഇന്ന് സ്കൂളിൽ പ്രകടനം നടത്തിയിരുന്നു.ഈ പ്രകടനത്തെ തുടർന്നാണ് സംഘർഷമുണ്ടായത്. അക്രമത്തിൽ എംഎസ്എഫ് പ്രവർത്തകൻ അബ്ദുൽ റഹ്മാൻ(18),എസ്എഫ്ഐ പ്രവർത്തകരായ അർജുൻ രവീന്ദ്രൻ(16),വിപിൻ.കെ(18) എന്നിവർക്കാണ് പരിക്കേറ്റത്.അബ്ദുൽ റഹ്മാനെ കാഞ്ഞങ്ങാട് കേരള ആശുപത്രിയിലും മറ്റുള്ളവരെ നീലേശ്വരം താലൂക്ക് ആശുപത്രിയിലും പ്രവേശിപ്പിച്ചു.