തിരുവനന്തപുരം:സംസ്ഥാനത്തിന്റെ തീര പ്രദേശങ്ങളിൽ കടൽക്ഷോഭം രൂക്ഷം. കടലാക്രമണത്തിൽ തൃശൂർ അഴീക്കോട് മുനക്കൽ ബീച്ചിൽ തിരയിൽപ്പെട്ട് യുവതിയെ കാണാതായി.മാള അഷ്ടമിച്ചിറ സ്വദേശിനി അശ്വിനിയെയാണ് കാണാതായത്.മാള മെറ്റ്‌സ് എൻജിനീയറിങ് വിദ്യാർത്ഥിനിയാണ്.അശ്വിനിയുടെ അമ്മ ഷീല,സഹോദരി ദൃശ്യ,ബന്ധു അതുല്യ എന്നിവർക്ക് പരിക്കേറ്റിരുന്നു.ഞായറാഴ്ച ഉച്ചയ്ക്ക് ഒന്നരയോടെയാണ് അശ്വിനിയുടെ കുടുംബം ബീച്ചിലെത്തിയത്. മുനക്കൽ ബീച്ച് ഫെസ്റ്റിന്റെ സമാപന ദിവസമായിരുന്നു ഇന്നലെ.തിരുവനന്തപുരത്തും കണ്ണൂരിലും പൊന്നാനിയിലും കടൽ പ്രക്ഷുബ്ധമാണ്.ഇന്നും കേരളതീത്ത് മൂന്നു മീറ്റർ ഉയരത്തിൽ തിരകളടിക്കാൻ സാധ്യതയുണ്ടെന്നും അതിനാൽ മത്സ്യത്തൊഴിലാളികളും തീരദേശവാസികളും ജാഗ്രത പാലിക്കണമെന്ന് സമുദ്ര നിരീക്ഷണ കേന്ദ്രം അറിയിച്ചു.