ന്യൂഡല്‍ഹി: ഡല്‍ഹിയില്‍ അതിശൈത്യം തുടരുന്നു. ശനിയാഴ്ച രാവിലെ 2.4 ഡിഗ്രിയായിരുന്നു ഡല്‍ഹിയിലെ കുറഞ്ഞ താപനില.വെള്ളിയാഴ്ച 4.2 ഡിഗ്രിയായിരുന്നു കുറഞ്ഞ താപനിലയെങ്കില്‍ ശനിയാഴ്ച അത് വീണ്ടും താഴുകയായിരുന്നുവെന്ന് കാലാവസ്ഥ നിരീക്ഷണകേന്ദ്രം അറിയിച്ചു. ഡിസംബര്‍ 14ന് ശേഷം ഡല്‍ഹിയില്‍ പല ദിവസങ്ങളിലും താപനില 15 ഡിഗ്രിക്കും താഴെയായിരുന്നു.1901ന് ശേഷം ഇതാദ്യമായാണ് ഡല്‍ഹിയില്‍ ഡിസംബറിലെ താപനില ഇത്രയും താഴുന്നത്. ഇതിന് മുൻപ് 1997,1998,2003,2014 വര്‍ഷങ്ങളിലാണ് ഡല്‍ഹിയില്‍ അതിശൈത്യമുണ്ടായത്.അതേസമയം ചൊവ്വാഴ്ചമുതല്‍ ഡല്‍ഹി ഉള്‍പ്പെടുന്ന ദേശീയ തലസ്ഥാനമേഖലയില്‍ മഴ തുടങ്ങുമെന്നാണ് കാലാവസ്ഥാ നിരീക്ഷണകേന്ദ്രത്തിന്റെ കണക്കുകൂട്ടല്‍. മഴ പെയ്താല്‍ തണുപ്പിന്റെ കാഠിന്യമേറും.