ന്യൂഡല്‍ഹി:ഡൽഹിയിൽ പുക മലിനീകരണം അതീവ ഗുരുതരാവസ്ഥയില്‍.ഇതോടെ ഡല്‍ഹി- എന്‍.സി.ആര്‍ മേഖലയില്‍ പൊതു ആരോഗ്യ അടിയന്തരാവസ്ഥ പ്രഖ്യാപിച്ചു.സുപ്രിംകോടതി സമിതിയാണ് അടിയന്തരാവസ്ഥ പ്രഖ്യാപിച്ചത്.നവംബര്‍ അഞ്ചു വരെ മേഖലയില്‍ ഒരു നിര്‍മാണ പ്രവര്‍ത്തനവും നടത്താന്‍ പാടില്ലെന്നും നിർദേശമുണ്ട്.ചൊവ്വാഴ്ച വരെ സ്‌കൂളുകള്‍ അടച്ചിടുകയും ചെയ്തു. കാര്‍ഷികാവശിഷ്ടങ്ങള്‍ കത്തിക്കുന്നതിനെതിരെ പരിസ്ഥിതി മലിനീകരണ (നിയന്ത്രണ) അതോറിറ്റി നിരോധന ഉത്തരവും പുറപ്പെടുവിച്ചിട്ടുണ്ട്.ഉത്തര്‍പ്രദേശ്, ഹരിയാന, ഡല്‍ഹി ചീഫ് സെക്രട്ടറിമാര്‍ക്ക് ഇക്കാര്യത്തില്‍ നിര്‍ദേശം നല്‍കിയിട്ടുണ്ട്. പുക മലനീകരണം അതീവ ഗുരുതരാവസ്ഥയിലാണെന്നും ആളുകളെ, പ്രത്യേകിച്ച്‌ കുഞ്ഞുങ്ങളെ വലിയ രീതിയില്‍ ബാധിക്കുമെന്നും ഇവര്‍ക്കറിയിച്ച കത്തില്‍ പറയുന്നു.സ്‌കൂള്‍ കുട്ടികള്‍ക്കായി മുഖ്യമന്ത്രി അരവിന്ദ് കെജ്‌രിവാള്‍ 50 ലക്ഷം മാസ്‌കുകള്‍ വിതരണം ചെയ്തു. മറ്റുള്ളവരോടു മാസ്‌ക് ധരിക്കാന്‍ അദ്ദേഹം ആവശ്യപ്പെട്ടു.വായു നിലവാര സൂചിക ക്യൂബിക് 426 ആണ്. മനുഷ്യന് സ്ഥാപിക്കാവുന്ന നിലവാരം 200 ആണ്. ഇന്ത്യ ഗേറ്റ് പരിസരത്താണ് ഏറ്റവും കൂടുതല്‍ അന്തരീക്ഷ മലിനീകരണം. നോയിഡ, ഗസിയാബാദ് എന്നിവിടങ്ങളിലും അന്തരീക്ഷ മലിനീകരണം രൂക്ഷമാണ്.