കണ്ണൂർ: തലശ്ശേരി ജഗന്നാഥ ക്ഷേത്രക്കുളത്തിൽ ഏഴ് വയസ്സുകാരി മുങ്ങി മരിച്ചു.ജഗന്നാഥ ക്ഷേത്ര ഉത്സവ സ്ഥലത്ത് ബലൂൺ വിൽപ്പന നടത്തുകയായിരുന്ന കുട്ടിയാണ് മുങ്ങിമരിച്ചത്. രാജസ്ഥാൻ സ്വദേശിയായ കൊനയാണ് മരിച്ചത്.രാജസ്ഥാനിലെ റയ്‌വാൻ ജില്ലയിലെ ഗോപി – മംത ദമ്പതികളുടെ മകളാണ് കൊന. രക്ഷിതാക്കളെ കാണാതായതിനെ തുടർന്ന് ഇവരുടെ മൂന്ന് കുട്ടികൾ കുളത്തിന് സമീപം എത്തിയിരുന്നു. കുളത്തിന് സമീപം പരിശോധിക്കുന്നതിനിടെ മൂന്ന് പേരും കുളത്തിലേക്ക് വീണു.കുട്ടികൾ കുളത്തിൽ വീണത് ശ്രദ്ധയിൽപ്പെട്ട നാട്ടുകാർ ഇവരെ രക്ഷപെടുത്താനായി കുളത്തിൽ ഇറങ്ങി. രണ്ട് പേരെ നാട്ടുകാർ രക്ഷപെടുത്തുകയും ചെയ്തു. കൊനയെ മുങ്ങിയെടുത്ത് പോലീസുകാർ ആശുപത്രിയിലേക്ക് എത്തിച്ചെങ്കിലും ജീവൻ രക്ഷിക്കാനായില്ല.