കണ്ണൂർ: പാനൂരിൽ ടിപ്പര്‍ ലോറിയും ബൈക്കും കൂട്ടിയിടിച്ച്‌ 7 വയസുകാരി മരിച്ചു. കല്ലുവളപ്പ് സ്വദേശി സത്യന്റേയും പ്രനിഷയുടെയും മകള്‍ അന്‍വിയ (7) ആണ് അപകടത്തില്‍ മരിച്ചത്.സെന്‍ട്രല്‍പുത്തൂര്‍ എല്‍.പി.സ്കൂള്‍ രണ്ടാം ക്ലാസ് വിദ്യാര്‍ത്ഥിനിയാണ് അൻവിയ. രാവിലെ അമ്മാവനൊപ്പം ബൈക്കില്‍ സ്ക്കൂളിലേക്ക് പോകവെ ഗുരുദേവ സ്മാരകത്തിനു സമീപത്ത് അമിതവേഗത്തിലെത്തിയ ടിപ്പര്‍ ലോറിയുടെ പിന്‍ഭാഗം ബൈക്കിനെ ഇടിച്ച്‌ തെറിപ്പിച്ചു. ഇടിയുടെ ആഘാതത്തില്‍ കുട്ടി തലയടിച്ച്‌ റോഡിലേക്ക് തെറിച്ചുവീഴുകയായിരുന്നു.