കണ്ണൂർ:ഹർത്താൽ ദിനത്തിൽ കണ്ണൂർ റെയിൽവേ സ്റ്റേഷനിൽ നിന്നും ഭക്ഷണം കഴിച്ച ഏഴുപേർക്ക് ഭക്ഷ്യവിഷബാധയേറ്റു.മുണ്ടയാട് സ്റ്റേഡിയത്തിൽ ഇലക്ട്രിക്കൽ ജോലിക്കായെത്തിയ തിരുവനന്തപുരം സ്വദേശികൾക്കാണ് ഭക്ഷ്യ വിഷബാധയേറ്റത്‌.തിങ്കളാഴ്ച രാവിലെ കണ്ണൂർ റെയിൽവേ സ്റ്റേഷനിൽ നിന്നും ഇവർ അപ്പവും മുട്ടക്കറിയും കഴിച്ചിരുന്നു.ഇതിനു ശേഷമാണ് ഇവർക്ക് ദേഹാസ്വാസ്ഥ്യം അനുഭവപ്പെട്ടത്.സോണി റോസ്,മുനീർ,ഷിജിൻ എന്നിവരെ ആശുപത്രിയിൽ അഡ്മിറ്റ് ചെയ്തു.വിനീത്,അനീഷ്,വിഷ്ണു,അനന്ദു എന്നിവരെ പ്രാഥമിക ചികിത്സയ്ക്ക് ശേഷം വിട്ടയച്ചു.സംഭവത്തെ തുടർന്ന് ആരോഗ്യവകുപ്പധികൃതർ സ്ഥലത്തെത്തി പരിശോധന നടത്തി. ഭക്ഷണത്തിന്റെ സാമ്പിളുകൾ ശേഖരിച്ചു പരിശോധനയ്ക്ക് ലാബിലേക്കയച്ചു.