പരിയാരം:പരിയാരത്ത് ഗവ.ഹൈ സ്കൂളിന് സമീപം ദേശീയ പാതയിൽ കെഎസ്ആർടിസി ബസും കാറും കൂട്ടിയിടിച്ച് ഏഴുപേർക്ക് പരിക്ക്.പയ്യന്നൂരിൽ നിന്നും ചപ്പാരപ്പടവിലേക്ക് പോയ കാർ സ്കൂളിന് സമീപത്തുള്ള വളവിൽ വെച്ച് ബസുമായി കൂട്ടിയിടിക്കുകയായിരുന്നു. കാറിലുണ്ടായിരുന്ന ചപ്പാരപ്പടവ് സ്വദേശികളായ എം.ഹസൈനാർ ഹാജി(65),മക്കളായ പി.സി ശംസുദ്ധീൻ(41),പി.സി സൈനബ(32) എന്നിവർക്കും ബസ് യാത്രക്കാരായ മേലതിയേടത്തെ ടി.വി നാരായണൻ(60), ഏമ്പേറ്റിലെ പുരുഷോത്തമൻ(52),ഭാര്യ രമണി(45),കെ.വി രോഹിണി(65) എന്നിവർക്കുമാണ് പരിക്കേറ്റത്.ഇവരെ പരിയാരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.