കൊല്ലം:സാമൂഹിക അകലം പാലിക്കാതെ കൂടുതല്‍ ആളുകളുമായി സര്‍വീസ് നടത്തിയ രണ്ട് സ്വകാര്യ ബസുകള്‍ക്കെതിരെ നടപടി. കൊല്ലത്ത് ചില സ്വകാര്യ ബസുകള്‍ കൊവിഡ് മാനദണ്ഡങ്ങള്‍ പാലിക്കാതെ സര്‍വീസ് നടത്തുന്നുവെന്ന വിവരത്തിന്റെ അടിസ്ഥാനത്തിലായിരുന്നു മോട്ടോര്‍ വാഹന വകുപ്പിന്റെ പരിശോധന. ബസുകളുടെ പെര്‍മിറ്റ് റദ്ദാക്കാനും ഡ്രൈവര്‍, കണ്ടക്ടര്‍ എന്നിവരുടെ ലൈസന്‍സ് സസ്പെന്റ് ചെയ്യാനും നടപടി സ്വീകരിക്കും. ബസുകളില്‍ പരിശോധന കര്‍ശനമാക്കുമെന്നും നിര്‍ദേശങ്ങള്‍ പാലിക്കാത്ത ബസുകളുടെ പെര്‍മിറ്റ് റദ്ദാക്കുമെന്നും ആര്‍.ടി.ഒ ആര്‍.രാജീവ് അറിയിച്ചു.