കൊച്ചി:കൊച്ചിയിൽ മയക്കുമരുന്നുമായി സീരിയൽ നടി അറസ്റ്റിൽ.തിരുവനന്തപുരം സ്വദേശിനി അശ്വതി ബാബുവിനെയാണ് ഇന്നലെ രാവിലെ കാക്കനാടുള്ള നടിയുടെ ഫ്ലാറ്റില് നിന്നും തൃക്കാക്കര പൊലീസ് പിടികൂടിയത്. നടിയോടൊപ്പം ഡ്രൈവര് ബിനോയ് എബ്രഹാമിനെയും പോലീസ് പിടികൂടിയിട്ടുണ്ട്.അശ്വതി ബാബു മയക്കുമരുന്ന് ഉപയോഗിക്കുന്നുണ്ടെന്നും വില്പ്പന നടത്തുന്നുവെന്നും പൊലീസിനു രഹസ്യ വിവരം ലഭിച്ചിരുന്നു. ഇതിന്റെ അടിസ്ഥാനത്തില് ദിവസങ്ങളായി ഇവര് പൊലീസ് നിരീക്ഷണത്തിലായിരുന്നു.നിരോധിത ലഹരിമരുന്നായ 3.5 ഗ്രാം എംഡിഎംഎ ആണ് ഇവരിൽ നിന്നും പിടികൂടിയത്. കൊച്ചിയിലെ ഡിജെ പാര്ട്ടികളടക്കമുള്ള ഉന്നത പാര്ട്ടികളില് ഇത്തരം മയക്കുമരുന്ന് ഇവര് വിതരണം ചെയ്യുന്നുണ്ടായിരുന്നു.വിൽപ്പനയ്ക്ക് പുറമെ മൂന്ന് ദിവസത്തിലൊരിക്കല് വീതം അശ്വതി സ്ഥിരമായി മയക്കുമരുന്ന് ഉപയോഗിക്കാറുണ്ടെന്നും പൊലീസ് പറഞ്ഞു.പ്രതികള്ക്കെതിരെ എന്ഡിപിഎസ് ആക്റ്റ് പ്രകാരം കേസെടുത്തു. ബാഗ്ലൂരില് നിന്നും ഡ്രൈവര് ബിനോയ് വഴിയാണ് അശ്വതി മയക്കുമരുന്ന് കൊച്ചിയിലെത്തിച്ചിരുന്നത്.