തിരുവനന്തപുരം: പതിനൊന്ന് മാസം നീണ്ട നിയമ പോരാട്ടത്തിനൊടുവിൽ ടി പി സെൻകുമാർ വീണ്ടും പോലീസ് മേധാവി സ്ഥാനത്തേക്ക്. സെൻകുമാറിനെ നിയമിച്ചു കൊണ്ടുള്ള ഉത്തരവ് സർക്കാർ പുറത്തിറക്കി.
നിലവിലെ ഡി ജി പി ലോക്‌നാഥ്‌ ബെഹ്‌റയെ വിജിലൻസ് മേധാവിയായി നിയമിച്ചു. 2015 മെയ് 31നു യു ഡി എഫ് സർക്കാരാണ് സെൻകുമാറിനെ പോലീസ് മേധാവിയായി നിയമിച്ചത്. എന്നാൽ എൽ ഡി എഫ് ഭരണത്തിലെത്തിയതോടെ സെൻകുമാറിനെ സ്ഥാനത്തു നിന്നും നീക്കുകയായിരുന്നു. തുടർന്ന് സുപ്രീം കോടതിയാണ് സെൻകുമാറിനെ വീണ്ടും നിയമിക്കാൻ ഉത്തരവിട്ടത്.