കണ്ണൂർ:സീനിയർ ഡിവിഷൻ ഫുട്‍ബോളിൽ കണ്ണൂർ എസ്എൻ കോളേജിന് ജയം. ചാമ്പ്യൻഷിപ്പിലെ മത്സരങ്ങൾ പൂർത്തിയായപ്പോൾ ഏഴുമത്സരങ്ങളിൽ നിന്നായി 18 പോയിന്റ് നേടിയാണ് എസ്എൻ കോളേജ് കിരീടം ചൂടിയത്.14 പോയന്റുകളുമായി സ്പിരിറ്റെഡ്‌ യൂത്ത് റണ്ണറപ്പായി.കഴിഞ്ഞ വർഷത്തെ ചാപ്യന്മാരായ കണ്ണൂർ ജിംഖാന എഫ് സിക്ക് ഏഴുമത്സരങ്ങളിൽ നിന്നും 13 പോയിന്റ് മാത്രമാണ് നേടാനായത്.ചാമ്പ്യന്മാരായ എസ്എൻ കോളേജ് ടീമിന് ഡെപ്യൂട്ടി മേയർ പി.കെ രാഗേഷ് ട്രോഫി സമ്മാനിച്ചു.ടൂർണമെന്റിലെ മികച്ച താരമായി പി.സൗരവിനെ തിരഞ്ഞെടുത്തു.ചടങ്ങിൽ സി.വി സുനിൽ,പ്രൊഫ.എം.വി ഭരതൻ,യു.എം.പി പൊതുവാൾ, എം.കെ വിനോദ്,വി.രഘൂത്തമൻ തുടങ്ങിയവർ പങ്കെടുത്തു.