കണ്ണൂർ: ജില്ലാ ട്രഷറിയിൽ ലക്ഷങ്ങളുടെ തട്ടിപ്പ് നടത്തിയ കേസിൽ സീനിയർ അക്കൗണ്ടന്റ് പിടിയിൽ. കൊറ്റാളി സ്വദേശി നിധിൻരാജ് ചെല്ലട്ടനാണ് പിടിയിലായത്. 6 ഇടപാടുകളിലായി മൂന്നര ലക്ഷം രൂപ ഇയാൾ വെട്ടിച്ചതായി വിജിലൻസ് കണ്ടെത്തി.കഴിഞ്ഞ ദിവസം വിജിലൻസ് പരിശോധനയിലാണ് വെട്ടിപ്പ് പുറത്തു വന്നത്. സർക്കാർ ബില്ലുകൾ അടക്കം വെട്ടിച്ചതായാണ് കണ്ടെത്തൽ. തട്ടിപ്പിന് പിന്നിൽ സീനിയർ അക്കൗണ്ടന്റാണെന്ന് കണ്ടെത്തിയിരുന്നു. 2016 മുതലാണ് തട്ടിപ്പ് നടത്തിയിരുന്നത്.സർക്കാർ പദ്ധതികളിൽ ഗുണഭോക്താക്കൾക്ക് ലഭിക്കേണ്ട പണം, കർഷക തൊഴിലാളി ആനുകൂല്യം, എച്ച്ഡിസി ആനുകൂല്യം, കൈത്തറി മൃഗ സംരക്ഷണ ദുരിതാശ്വാസം, തുടങ്ങിയവ സ്വന്തം അക്കൗണ്ടുകളിലേക്ക് മാറ്റി തിരിമറി നടത്തിയെന്നാണ് വിജിലൻസ് കണ്ടെത്തിയത്.