ന്യൂഡൽഹി:ഡി.എം വയനാട്,മൗണ്ട് സിയോൺ എന്നീ സ്വാശ്രയ മെഡിക്കൽ കോളേജുകൾ നടത്തിയ എംബിബിഎസ്‌ പ്രവേശനം റദ്ധാക്കണമെന്ന് ആവശ്യപ്പെട്ട് മെഡിക്കൽ കൗൺസിൽ ഓഫ് ഇന്ത്യ നൽകിയ ഹർജി സുപ്രീം കോടതി ഇന്ന് പരിഗണിക്കും.രണ്ട് കോളേജുകളിലെയും ഈ വർഷത്തെ പ്രവേശനം കോടതി റദ്ദാക്കാനാണ് സാധ്യത.നേരത്തെ സമാനമായ രീതിയിൽ തൊടുപുഴ അൽ അസ്ഹർ കോളേജിലെ പ്രവേശനം സുപ്രീം കോടതി റദ്ദാക്കിയിരുന്നു. അടിസ്ഥാനസൗകര്യമില്ലെന്നു ചൂണ്ടിക്കാട്ടി എം.സി.ഐ ഈ കോളേജുകൾക്ക് അംഗീകാരം നൽകിയിരുന്നില്ല.എന്നാൽ കോളേജുകൾക്ക് അനുകൂലമായി കേരള ഹൈക്കോടതി ഉത്തരവിട്ട സാഹചര്യത്തിലാണ് എം.സി.ഐ സുപ്രീം കോടതിയെ സമീപിച്ചത്.വിദ്യാർത്ഥികളുടെ ഭാവി സംരക്ഷിക്കണമെന്നാവശ്യപ്പെട്ട് അൽ അസ്ഹർ കോളേജ് നൽകിയ മറ്റൊരു ഹർജിയും കോടതി ഇന്ന് പരിഗണിക്കും.