നാദാപുരം: ലോക്ഡൗണ്‍ നിയന്ത്രണങ്ങള്‍ ലംഘിച്ച്‌ കച്ചവടം നടത്തിയ വസ്ത്ര വ്യാപാര സ്ഥാപനത്തിന് പിഴ ചുമത്തി പോലീസ്.പെരുന്നാള്‍ പ്രമാണിച്ച്‌ കടയുടെ പിന്‍ഭാഗം വഴി വസ്ത്ര വില്‍പന നടത്തിയ സ്ഥാപനത്തിന് 32,000 രൂപയാണ് പിഴ കിട്ടിയത്.കൂടാതെ സ്ഥാപനത്തിലെ പത്തോളം ജീവനക്കാര്‍ക്കെതിരെ കേസെടുക്കുകയും ചെയ്തു.നാദാപുരം കല്ലാച്ചി സംസ്ഥാന പാതയിലെ ഹാപ്പി വെഡ്ഡിങ്ങിലാണ് പോലീസ് പരിശോധന നടത്തിയത്.പൊലീസ് പരിശോധനയ്ക്ക് വരുന്നത് കണ്ട് വസ്ത്രം വാങ്ങാനെത്തിയവരെ ജീവനക്കാര്‍ ഒരു മുറിയിലാക്കി അടച്ചു. എന്നാല്‍ പൊലീസ് ഇവരെ കണ്ടെത്തി. എല്ലാവര്‍ക്കും എതിരെ കേസെടുത്തിട്ടുണ്ട്.നാദാപുരത്ത് ഈറ എന്ന തുണിക്കട ലോക്ക്ഡൗണില്‍ അനധികൃതമായി പ്രവര്‍ത്തിക്കുന്നതായും കണ്ടെത്തി. മുന്‍ഭാഗത്തെ ഷട്ടറുകള്‍ താഴ്ത്തി മാളിന്റെ പിന്നിലൂടെയാണ് കടയ്ക്കുള്ളിലേക്ക് പ്രവേശനം നല്‍കിയിരുന്നത്. കടയില്‍ എത്തിയവര്‍ക്കെതിരേയും നടപടി ഉണ്ടാവും. വരും ദിവസങ്ങളിലും ലോക്ഡൗണ്‍ നിയമം ലംഘിച്ച്‌ വ്യാപാരം നടത്തുന്ന സ്ഥാപനങ്ങള്‍ക്കെതിരെ കര്‍ശന നടപടി സ്വീകരിക്കുമെന്ന് പൊലീസ് പറഞ്ഞു.