കണ്ണൂർ:കപ്പലിലെ സെക്കൻഡ് എൻജിനീയറായ യുവാവിനെ കടലിൽ കാണാതായി. കവരത്തിയിൽ നിന്നും കൊച്ചിയിലേക്ക് വരികയായിരുന്ന എം.വി കൊടിത്തല എന്ന കപ്പലിൽ സെക്കന്റ് എൻജിനീയറായ അഴീക്കൽ സ്വദേശി വികാസിനെയാണ് കാണാതായത്.ഞായറാഴ്ച ഡ്യൂട്ടി കഴിഞ്ഞു മുറിയിലേക്ക് പോകും വഴിയായിരിക്കാം അപകടമെന്ന് കരുതുന്നു.മുറിയിൽ കാണാത്തതിനെ തുടർന്നാണ് കടലിൽ വീണതായിരിക്കാം എന്ന നിഗമനത്തിലെത്തിയത്. കപ്പലിലെ സുരക്ഷാ ബോട്ടുകൾ തിരച്ചിൽ നടത്തുകയാണ്.