കൊച്ചി:കഴിഞ്ഞ ദിവസം ലക്ഷദ്വീപിൽ നിന്നും കൊച്ചിയിലേക്ക് വരികയായിരുന്ന ചരക്കുകപ്പലിൽ നിന്നും കടലിൽ വീണു കാണാതായ സെക്കന്റ് എൻജിനീയർ അലവിൽ ആറാംകോട്ടം സ്വദേശി വികസിനായുള്ള തിരച്ചിൽ അവസാനിപ്പിച്ചു.അപകടം നടന്ന് 72 മണിക്കൂർ തുടർച്ചയായി നേവിയും കോസ്റ്റ് ഗാർഡും ലക്ഷദ്വീപ് അഡ്മിനിസ്റ്റേഷന്റെ കപ്പലും തിരച്ചിൽ നടത്തിയിട്ടും ഫലമില്ലാത്തതിനെ തുടർന്നാണ് തിരച്ചിൽ അവസാനിപ്പിക്കാൻ തീരുമാനിച്ചത്.അതേസമയം അപകടം നടന്ന എം.വി കൊടിത്തല എന്ന കപ്പൽ ഇന്ന് വൈകുന്നേരത്തോടെ കൊച്ചിയിൽ എത്തിച്ചേരും.