തിരുവനന്തപുരം:സംസ്ഥാന സ്കൂൾ കലോത്സവം ക്രിസ്തുമസ് അവധിക്കാലത്തേക്ക് മാറ്റാൻ ആലോചന.മേളയ്ക്കായി പഠന ദിവസങ്ങൾ നഷ്ടപ്പെടുന്നത് ഒഴിവാക്കാനാണ് പുതിയ തീരുമാനം.സാധാരണ മേള നടത്തിയിരുന്നത് ജനുവരി രണ്ടാം വാരം മുതൽ അവസാന വാരം വരെ ആയിരുന്നു.ഇത് ഡിസംബർ 26 മുതൽ ജനുവരി 1 വരെ നടത്താനാണ് നീക്കം.വിജയികൾക്ക് സമ്മാനം നൽകി പുതുവത്സരത്തിനു തുടക്കമാകും.ജില്ലാ മേളകൾ ക്രിസ്തുമസ് പരീക്ഷയ്ക്ക് മുൻപെയായിരിക്കും.പൊതു വിദ്യാഭ്യാസ ഡയറക്റ്ററുടെ നിർദേശം വിദ്യാഭ്യാസമന്ത്രി കൂടി അംഗീകരിച്ചാൽ തൃശൂരിൽ ഈ ക്രിസ്തുമസ് കാലത്ത് പുതുചരിത്രവുമായി മേളയ്ക്ക് കൊടിയുയരും.