അബുദാബി: യുഎഇയില്‍ സ്‌കൂള്‍ ബസിന് തീപിടിച്ചു. അല്‍ താവുന്‍ ഏരിയയിലാണ് തീപിടുത്തം ഉണ്ടായത്.ആളപായമൊന്നും റിപ്പോര്‍ട്ട് ചെയ്തിട്ടില്ല. ഷാര്‍ജ സിവില്‍ ഡിഫന്‍സ് ടീം തീ നിയന്ത്രണ വിധേയമാക്കി. വിദ്യാര്‍ത്ഥികളെയെല്ലാം ബസിനുള്ളില്‍ നിന്നും രക്ഷപ്പെടുത്തിയതായി അധികൃതര്‍ അറിയിച്ചു.ഉച്ചയ്ക്ക് 2:52 നാണ് സ്‌കൂള്‍ ബസിനുള്ളില്‍ തീപിടിത്തമുണ്ടായതായി ഷാര്‍ജ സിവില്‍ ഡിഫന്‍സ് ടീമിന് വിവരം ലഭിച്ചത്. ഉടന്‍ തന്നെ സംഘം രക്ഷാ പ്രവര്‍ത്തനത്തിനായി അപകടം സംഭവിച്ച മേഖലയിലെത്തി. 14 മിനിറ്റിനുള്ളില്‍ സംഘം തീ നിയന്ത്രണ വിധേയമാക്കി.