തിരുവനന്തപുരം:തിരുവനന്തപുരത്ത് സ്കൂൾ ബസ് കടയിലേക്ക് ഇടിച്ചു കയറി നിരവധി കുട്ടികൾക്കും ഡ്രൈവർക്കും പരിക്കേറ്റു.നാലാഞ്ചിറ സര്‍വ്വോദയ വിദ്യാലയയുടെ സ്‌കൂള്‍ ബസ് ആണ് കേരളാദിത്യപുരത്തെ ഒരു കടയിലേക്ക് ഇടിച്ച കയറിയത്.നിയന്ത്രണംവിട്ട ബസ് കടയിലേക്ക് ഇടിച്ചുകയറുകയായിരുന്നു. തകര്‍ന്ന ബസില്‍ കുടങ്ങിക്കിടന്ന ഡ്രൈവറെ നാട്ടുകാരാണ് പുറത്തെത്തിച്ചത്. ഡ്രൈവറുടെ നില ഗുരുതരമാണെന്നാണ് സൂചന. പരിക്കേറ്റ കുട്ടികളെ തിരുവനന്തപുരം മെഡിക്കല്‍ കോളേജിലേക്ക് മാറ്റി.