ന്യൂഡൽഹി:എസ്‌ബിഐയുടെ ആറ് അനുബന്ധ ബാങ്കുകളുടെ ചെക്ക് ബുക്കുകളും ഐ എഫ് എസ് സി കോഡും സെപ്റ്റംബർ 30 ന് ശേഷം അസാധുവാകുമെന്ന് എസ് ബി ഐ അറിയിച്ചു.പണമിടപാട് നടത്തണമെങ്കിൽ പുതിയ ചെക്ക് ബുക്കിനും ഐ എഫ് എസ് സി കോഡിനും പുതുതായി അപേക്ഷിക്കണമെന്നും എസ്ബിഐ അറിയിച്ചു.എസ്‌ബിഐയുടെ അനുബന്ധ ബാങ്കുകളായ ഭാരതീയ മഹിളാ ബാങ്ക്,സ്റ്റേറ്റ് ബാങ്ക് ഓഫ് പട്യാല,സ്റ്റേറ്റ് ബാങ്ക് ഓഫ് ബിക്കാനീർ ആൻഡ് ജയ്‌പൂർ,സ്റ്റേറ്റ് ബാങ്ക് ഓഫ് ട്രാവൻകൂർ,സ്റ്റേറ്റ് ബാങ്ക് ഓഫ് ഹൈദരാബാദ് എന്നീ ബാങ്കുകൾക്കാണ് നിർദേശം ലഭിച്ചിരിക്കുന്നത്.എസ്ബിഐ-എസ്‌ബിറ്റി ലയനത്തെ തുടർന്നാണ് അനുബന്ധ ബാങ്കുകളുടെ ഐ എഫ് എസ് സി കോഡും ചെക്ക് ബുക്കും എസ്ബിഐ അസാധുവാക്കുന്നത്.