മുംബൈ:സ്റ്റേറ്റ് ബാങ്ക് ഓഫ് ഇന്ത്യ മിനിമം ബാലൻസ് പിഴയും മിനിമം അക്കൗണ്ട് ബാലൻസും കുറച്ചു.20 മുതൽ 80 ശതമാനം വരെയാണ് എസ്ബിഐ മിനിമം ബാലൻസ് പിഴ കുറച്ചത്.മിനിമം അക്കൗണ്ട് ബാലൻസ് സംബന്ധിച്ച് മെട്രോ-നഗരപ്രദേശങ്ങളെ ഒരു വിഭാഗത്തിൽ ഉൾപ്പെടുത്തിയിട്ടുണ്ട്.സേവിങ്സ് അക്കൗണ്ടുകളിൽ വേണ്ട മിനിമം ബാലൻസ് മെട്രോകളിൽ 5000 ഇൽ നിന്നും 3000 ആയി കുറച്ചു.നഗരങ്ങളിൽ 3000 ആയി തുടരും.ഗ്രാമങ്ങളിലെയും അർദ്ധ നഗര പ്രദേശങ്ങളിലെയും കുറഞ്ഞ അക്കൗണ്ട് ബാലൻസ് യഥാക്രമം 1000,2000 തന്നെ ആയിരിക്കും.ജൻധൻ,ബേസിക് സേവിങ്സ്,സ്‌മോൾ,ഫെലകദം, ഫേലിഉദാൻ തുടങ്ങിയ അക്കൗണ്ടുകൾക്ക് മിനിമം ബാലൻസ് ബാധകമല്ല.പുതിയ നിരക്ക് അനുസരിച്ച് ഗ്രാമങ്ങളിലും അർദ്ധനഗര പ്രദേശങ്ങളിലും 20 രൂപ മുതൽ 40 രൂപ വരെയും മെട്രോ,നഗര പ്രദേശങ്ങളിൽ 30 രൂപ മുതൽ 50 രൂപ വരെയുമാണ് സർവീസ് ചാർജ് ഈടാക്കുക.പ്രായപൂർത്തിയാകാത്തവരെയും പെൻഷൻ ആനുകൂല്യങ്ങൾ കൈപ്പറ്റുന്നവരെയും മിനിമം ബാലൻസ് സൂക്ഷിക്കേണ്ടവരുടെ പട്ടികയിൽ നിന്നും ഒഴിവാക്കിയിട്ടുണ്ട്.