തിരുവനന്തപുരം:ക്രിക്കറ്റ് താരം സച്ചിൻ ടെണ്ടുൽക്കർ മുഖ്യമന്ത്രി പിണറായി വിജയനുമായി കൂടിക്കാഴ്ച നടത്തി.കേരള ബ്ലാസ്റ്റേഴ്സിന്റെ സഹ ഉടമ കൂടിയായ സച്ചിൻ ഐ എസ് എല്ലിൽ കേരള ബ്ലാസ്റ്റേഴ്സിന് പിന്തുണ അഭ്യർത്ഥിച്ചാണ് മുഖ്യമന്ത്രിയെ കണ്ടത്.മാത്രമല്ല കേരളത്തിൽ ഒരു ഫുട്ബോൾ അക്കാദമി തുടങ്ങാനും സച്ചിൻ പദ്ധതിയിടുന്നുണ്ട്.സെക്രെട്ടറിയേറ്റിൽ മുഖ്യമന്ത്രിയുടെ ഓഫീസിൽ എത്തിയാണ് കൂടിക്കാഴ്ച നടത്തിയത്.ഭാര്യ ഡോ.അഞ്ജലിയും സച്ചിനൊപ്പമുണ്ടായിരുന്നു.ഐഎസ്എല്ലിലെ ഉൽഘാടന മത്സരം കാണാൻ സച്ചിൻ മുഖ്യമന്ത്രിയെ ക്ഷണിക്കുകയും ചെയ്തു.നവംബർ പതിനേഴിനാണ്‌ ഐഎസ്എല്ലിന്റെ ഈ സീസൺ തുടങ്ങുന്നത്. കൊൽക്കത്തയിൽ നടക്കുന്ന ആദ്യ മത്സരത്തിൽ കേരള ബ്ലാസ്റ്റേഴ്‌സ് അത്ലറ്റിക്കോ ഡി കൊൽക്കത്തയെ നേരിടും.