തിരുവനന്തപുരം:പ്രായഭേദമന്യേ ശബരിമലയിൽ സ്ത്രീകൾക്ക് പ്രവേശനം അനുവദിച്ച സുപ്രീം കോടതി വിധിയിൽ പ്രതിഷേധിച്ച് പന്തളം രാജകുടുംബത്തിന്റെ നേതൃത്വത്തിൽ സെക്രട്ടറിയേറ്റ് പടിക്കൽ ഏകദിന ഉപവാസ സമരം നടത്തുന്നു.രാവിലെ 9 മണിക്ക് ആരംഭിച്ച സമരം വൈകുന്നേരം 6 മണി വരെ നടത്തുവാനാണ് തീരുമാനം. അയ്യപ്പധര്മ സംരക്ഷണസമിതി ചെയര്മാന് എസ്. കൃഷ്ണകുമാര്, കൊട്ടാരം നിര്വാഹകസമിതി വൈസ് പ്രസിഡന്റ് രവിവര്മ തുടങ്ങിയവരും സമരത്തില് പങ്കെടുക്കും.പന്തളം കൊട്ടാരം നിര്വാഹകസംഘം പ്രസിഡന്റ് പി.ജി. ശശികുമാരവര്മയാണ് സമരം ഉദ്ഘാടനം ചെയ്തത്.അമ്പലപ്പുഴ ആലങ്ങാട്ട് സംഘങ്ങള്, തിരുവാഭരണവാഹക സ്വാമിമാര്, പല്ലക്ക് വാഹകസ്വാമിമാര്, പടക്കുറുപ്പുമാര്, നായാട്ടുവിള സ്വാമിമാര്, ഗുരുതിപൂജ സ്വാമിമാര്, ക്ഷേത്ര ഉപദേശകസമിതികള്, ക്ഷേത്രഭരണസമിതികള്, മുന്മേല്ശാന്തിമാര്, തന്ത്രിമാര്, അയ്യപ്പസേവാസമാജം, വിവിധ ഹിന്ദുസംഘടനകള്, സമുദായസംഘടനകള്, അയ്യപ്പഭക്തര് എന്നിവരും സമരത്തില് പങ്കെടുക്കുന്നുണ്ട്. ആയിരങ്ങളാണ് ശരണം വിളികളുമായി സെക്രട്ടറിയേറ്റ് പടിക്കല് എത്തിയിരിക്കുന്നത്.