കണ്ണൂര്‍: ഇരിട്ടിയില്‍ പോലീസ് സ്റ്റേഷനുള്ളില്‍ കയറി എസ് എഫ്‌ഐ അതിക്രമം.സ്‌കൂളുകളില്‍ എസ്എഫ്ഐ സ്ഥാപിച്ച കൊടിതോരണങ്ങള്‍ പോലീസ് എടുത്തു നീക്കിയതില്‍ പ്രതിഷേധിച്ചാണ് മുപ്പതിലധികം എസ്എഫ്ഐ പ്രവര്‍ത്തകര്‍ സ്റ്റേഷനുള്ളില്‍ കയറിയത്. ഉപരോധം അവസാനിപ്പിക്കാന്‍ ആവശ്യപ്പെട്ട എസ്‌ഐയും സമരക്കാരും തമ്മില്‍ വാക്കേറ്റമുണ്ടായി.സിഐ എത്തി ചര്‍ച്ച നടത്തിയ ശേഷമാണ് സമരം അവസാനിച്ചത്. ഏരിയ സെക്രട്ടറിയുടെ നേതൃത്വത്തില്‍ ആയിരുന്നു സമരം. കൊടിതോരണങ്ങള്‍ വിട്ടുകിട്ടാന്‍ ആവശ്യപ്പെട്ട് 15 മിനിറ്റോളം ഉപരോധവും മുദ്രാവാക്യം വിളികളും തുടര്‍ന്നു.