കൽപ്പറ്റ:വയനാട്ടിൽ റിസോട്ട് നടത്തിപ്പുകാരൻ കുത്തേറ്റു മരിച്ചു.പുളിയാര്‍ മലയിലെ റിസോര്‍ട്ട് നടത്തിപ്പുകാരനായ വിന്‍സണ്‍ സാമുവലിനെ (52)യാണ് റിസോട്ടിനുള്ളിൽ കൊല്ലപ്പെട്ട നിലയില്‍ കണ്ടെത്തിയത്.പുളിയാര്‍മലയിലെ മണിയങ്കോട് ഓട് ഫാക്ടറിക്ക് സമീപം വിസ്പറിങ് വുഡ്സ് എന്ന റിസോര്‍ട്ടിലെ ഒരു ഹട്ടില്‍ വച്ചാണ് കൊലപാതകം നടന്നത്. ഇന്ന് പുലര്‍ച്ചെയാണ് ചോരയിൽ കുളിച്ച നിലയിൽ കസേരയില്‍ കുത്തേറ്റ് ഇരിക്കുന്ന രീതിയില്‍ മൃതദേഹം കണ്ടെത്തിയത്. റിസോര്‍ട്ടിലെ ജീവനക്കാരില്‍ ചിലരാണ് മൃതദേഹം ആദ്യം കണ്ടത്. കൊലപാതകമാണെന്ന് സ്ഥിരീകരിക്കുന്ന രീതിയിലാണ് മൃതദേഹവും പരിസരവുമെല്ലാം കാണപ്പെട്ടത്. ഹട്ടിന്റെ മുറിയിലും വഴിയിലുമെല്ലാം രക്ത പാടുകളുണ്ട്. ഇന്നലെ രാത്രി നടന്ന മരണം കൊലപാതകമെന്ന് പൊലീസ് സ്ഥിരീകരിച്ചിട്ടുണ്ട്.ഒരു സ്ത്രിയും പുരുഷനും ചേര്‍ന്ന് കൊലപ്പെടുത്തിയെന്നാണ് നാട്ടുകാരില്‍ ചിലര്‍ പറയുന്ന സൂചന.ഇതനുസരിച്ച് പോലീസ് അന്വേഷണം ശക്തമാക്കിയിട്ടുണ്ട്.വയനാടിന്റെ ടൂറിസം രംഗത്ത് സജീവമായിരുന്ന വിൻസൻ സുല്‍ത്താന്‍ബത്തേരി ആരാധന ടൂറിസ്റ്റ് ഹോം ഉടമ കൂടിയാണ്. വയനാട് ടൂറിസം അസോസിയേഷന്‍ ജില്ലാ സെക്രട്ടറി കൂടിയാണ് അദ്ദേഹം. കല്‍പ്പറ്റ സ്വദേശി ഡോ.രാജുവിന്റ ഉടമസ്ഥതയിലുള്ള വിസ്പറിങ് വുഡ്സ് റിസോര്‍ട്ട് ഒരാഴ്ച ഒരാഴ്ച മുൻപാണ് വിൻസൻ പാട്ടത്തിനെടുത്തത്.