തിരുവനന്തപുരം: പോലീസ് മേധാവിയായി ടി പി സെൻ കുമാറിനെ ഇന്ന് തന്നെ നിയമിക്കണമെന്ന് പ്രതിപക്ഷ നേതാവ് രമേശ് ചെന്നിത്തല. സെൻ കുമാർ കേസിൽ സുപ്രീംകോടതി വിധി സംസ്ഥാന സർക്കാരിന് കനത്ത തിരിച്ചടിയാണെന്നും ചെന്നിത്തല അഭിപ്രായപ്പെട്ടു.
കോടതി വിധി സർക്കാരിനെതിരെയുള്ള തിരിച്ചടിയാണെന്നും ഇതിന്റെ ഉത്തരവാദിത്വം ഏറ്റെടുത്ത മുഖ്യമന്ത്രി പിണറായി വിജയൻ രാജിവെക്കണമെന്നും മുൻ കെ പി സി സി അധ്യക്ഷൻ വി എം സുധീരൻ ആവശ്യപ്പെട്ടു.
സെൻ കുമാറിനെ ഡി ജി പി ആയി പുനർ നിയമിക്കണമെന്ന് കഴിഞ്ഞ ഇരുപത്തി നാലിനാണ് കോടതി ഉത്തരവിട്ടത് എന്നാൽ കോടതി വിധിയിൽ വ്യക്തത വേണം എന്നാവശ്യപ്പെട്ട് സംസ്ഥാന സർക്കാരും കാലതാമസം നേരിട്ടതിനെതിരെ സെൻ കുമാറും കോടതിയെ സമീപിക്കുകയായിരുന്നു .