കോഴിക്കോട്: സംസ്ഥാനത്ത് മീനിന് റെക്കോഡ് വില. പെരുന്നാള്‍ കാലമെത്തിയതോടെ മീന്‍വില എത്തിപ്പിടിക്കാന്‍ സാധിക്കാത്ത ഉയരത്തിലേക്ക് കുതിച്ചു കഴിഞ്ഞു. സാധാരണക്കാരന്റെ മീനായ മത്തിക്ക് രണ്ടാഴ്ച മുമ്ബ് 90 രൂപയായിരുന്നു വിലയെങ്കില്‍ ഇപ്പോള്‍ 180 വരെ എത്തി വില ഇനിയും കൂടാന്‍ സാധ്യതയുണ്ടെന്നാണ് കച്ചവടക്കര്‍ പറയുന്നത്. ട്രോളിങ് നിരോധനവും കടല്‍ഷോഭവും മഴയും മീനിന്റെ വില കുത്തനെ കൂടാന്‍ കാരണമായെന്ന് ഇവര്‍ വ്യക്തമാക്കുന്നു. ആവോലി കിലോയ്ക്ക് രണ്ടാഴ്‌ച്ചയ്ക്കിടെ കൂടിയത് 400 രൂപയാണ്. അയലയ്ക്ക് 60 രൂപ വര്‍ധിച്ച്‌ കിലോക്ക് 200 രൂപയായി. ചെമ്മീന്‍ 250ല്‍ നിന്ന് 500 ലേക്കും കുതിച്ചു.അയക്കൂറ കിലോയ്ക്ക് 1150രൂപയാണ് വില.പരമാവധി 600 രൂപ വരെ പോയിരുന്ന ആവോലി 900ലെത്തി നില്‍ക്കുന്നു.അതേ സമയം ഒരു കിലോ കോഴി യിറച്ചിയുടെ വില 160 ല്‍ തുടരുകയാണ്.നൂറിനും അന്പതിനും മീന്‍ വാങ്ങുന്ന സാധാരണക്കാരുടെ കാര്യമാണ് ഇതോടെ കഷ്ടത്തിലായത്