കണ്ണൂർ:കണ്ണൂർ സെൻട്രൽ ജയിലിലും വനിതാജയിലിലുമായി പതിനാലു വർഷത്തിലേറെയായി തടവിൽ കഴിയുന്ന 31 തടവുകാരെ വിട്ടയക്കാൻ ശുപാർശ.ജയിൽ ഡിജിപി ആർ ശ്രീലേഖ അധ്യക്ഷത വഹിച്ച യോഗത്തിലാണ് തീരുമാനം.യോഗത്തിൽ പരിഗണനയ്ക്കെത്തിയ 45 അപേക്ഷകളിൽ നിന്നാണ് 31 പേരെ തിരഞ്ഞെടുത്തത്.മുൻപ് ശിക്ഷ ഇളവുകൾ ലഭിക്കാത്തവരും പരോൾ പോലും ലഭിക്കാത്തവരെയുമാണ് വിട്ടയക്കാൻ ശുപാർശ ചെയ്തത്.സെൻട്രൽ ജയിലിൽ നിന്നുള്ള 29 പേരെയും വനിതാ ജയിലിൽ നിന്നുള്ള 2 പേരെയുമാണ് വിട്ടയക്കാൻ ശുപാർശ ചെയ്തത്.ഇക്കാര്യത്തിൽ അന്തിമ തീരുമാനമെടുക്കേണ്ടത് സർക്കാരാണ്.തടവുകാരെ വിട്ടയക്കുന്ന കാര്യത്തിൽ ഗവർണ്ണറുടെ തീരുമാനമാണ് അന്തിമം.