ന്യൂഡൽഹി:ബാങ്ക് പാസ്സ്ബുക്കുകളിൽ കൂടുതൽ വിവരങ്ങൾ ഉൾക്കൊള്ളിക്കാൻ ആർ.ബി.ഐ നിർദ്ദശം.ഓരോ ഇടപാടുകളും എ.ടി.എം ചാർജ് അടക്കമുള്ളവ പാസ്സ്ബുക്കിൽ രേഖപ്പെടുത്തണമെന്നാണ് ആർ.ബി.ഐ യുടെ പുതിയ സർക്കുലറിൽ പറയുന്നത്.ഏതു ബാങ്കിലേക്കാണ് പണമയച്ചത് ആർക്കാണ് പണമയച്ചത് എന്നിങ്ങനെയുള്ള വിവരങ്ങളും പാസ്സ്ബുക്കിൽ ഉൾപ്പെടുത്തണം.കൂടാതെ അക്കൗണ്ട് ഉടമ ബാങ്കിൽ നിന്നും വായ്പ്പയെടുത്തിട്ടുണ്ടെങ്കിൽ അതിന്റെ വിവരങ്ങളും പാസ്സ്ബുക്കിൽ ഉൾക്കൊള്ളിച്ചിരിക്കണം.ഇതിനൊപ്പം വിവിധ ബാങ്ക് ഇടപാടുകൾക്ക്‌ ചുമത്തുന്ന ചാർജും രേഖപ്പെടുത്തിയിരിക്കണം.ചെക്‌ബുക് ലഭിക്കുന്നതിനുള്ള ചാർജുകൾ,എസ്.എം.എസ്,എ.ടി.എം സേവനങ്ങൾക്ക് ചുമത്തുന്ന ചാർജുകൾ എന്നിവയും രേഖപ്പെടുത്തണം.പൊതുമേഖലാ ബാങ്കുകൾ,സ്വകാര്യ ബാങ്കുകൾ,വിദേശ ബാങ്കുകളുടെ ഇന്ത്യയിലെ ശാഖകൾ എന്നിവക്കാണ് നിർദ്ദേശം.