കണ്ണൂർ : ഏഴിമല നാവിക അക്കാദമി മാലിന്യപ്രശ്‍നം രമ്യമായി പരിഹരിക്കണം എന്നാവശ്യപ്പെട്ട് എസ് വൈ എസ് കണ്ണൂർ ജില്ലാ കമ്മിറ്റി കളക്ടറേറ്റിലേക്ക് മാർച്ചും ധർണയും നടത്തി. ജന ആരോഗ്യ സംരക്ഷണ സമിതിയുടെ നേതൃത്വത്തിൽ രാമന്തളി നിവാസികൾ നടത്തുന്ന സമരം രണ്ട് മാസം കഴിഞ്ഞിട്ടും കേന്ദ്ര -സംസ്ഥാന സർക്കാരുകൾ നിസ്സംഗത തുടരുകയാണ്. സ്വന്തം ഭൂമിയും കിടപ്പാടവും രാജ്യ താൽപ്പര്യത്തിന് ദാനം നൽകിയ രാമന്തളി നിവാസികളുടെജീവൽ പ്രശ്നത്തിൽ അധികാരികൾ എത്രയും വേഗം ഇടപെടണമെന്നും നേതാക്കൾ ആവശ്യപ്പെട്ടു.