കണ്ണൂർ : ജില്ലയിലെ എല്ലാ വീടുകളിലും ഏതെങ്കിലും രീതിയിലുള്ള മഴവെള്ളശേഖരണ സംവിധാനം ഏർപ്പെടുത്താൻ ജില്ലാ ഹരിത കേരളം മിഷൻ പദ്ധതി തയ്യാറാക്കുന്നു. ഓരോ പ്രദേശത്തെയും ഭൂപ്രകൃതിയ്ക്ക് അനുയോജ്യമായ രീതിയിലായിരിക്കും ഇതിനുള്ള സംവിധാനം ഏർപ്പെടുത്തുന്നത്.കിണർ റീചാർജ്, മഴക്കുഴി നിർമ്മാണം, മഴവെള്ള സംഭരണി തുടങ്ങിയ മാർഗങ്ങൾ അവലംബിക്കാനാണ് തീരുമാനം. കുടുംബശ്രീ യൂണിറ്റുകളെ ഉപയോഗപ്പെടുത്തി പദ്ധതി നടപ്പിലാക്കാനാണ് തീരുമാനം. ഇതിനാവശ്യമായ പരിശീലനം നിർമാണ മേഖലയിൽ പ്രവർത്തിക്കുന്ന കുടുംബശ്രീ പ്രവർത്തകർക്ക് നൽകും. ഏപ്രിലിൽ ആരംഭിച്ചു മെയ് അവസാനത്തോടെ പദ്ധതി പൂർത്തിയാക്കാനാണ് തീരുമാനം.